Барааны тайлбар:

Үргэлжилсэн үгийн нэрт зохиолч Намсрайн Банзрагч агсны “Сүүлчийн буун дуу” роман нь Монголын түүхийн ээдрээт цаг үе болох манжийн дарлалын үеийн монголчуудын аж байдал, ялангуяа эртний буурал хот Улиастай, Ховдын хязгаарын Сангийн хотын тухай өгүүлэхдээ Цэрэнбат, Дэлгэрбат хэмээх идэр насны ах дүү хоёрын хувь заяанд тухайн цаг үеийн байдал хэрхэн нөлөөлж буйг дүрсэлдэг. Хэдийгээр төрсөн ах дүү боловч цагаантан, улаантан хэмээх үзэл сурталд өөрийн мэдэлгүй автаж зам мөр нь салж эмгэнэлтэйгээр хагацаж байгаа ч зохиолчийн уншигчдад хүргэхийг хүссэн гол утга санаа нь ганц монголчууд төдийгүй нийт хүн төрөлхтөн үзэл суртал даган улам даамжирсаар өөд өөдөөсөө буу тулгаж, дайн байлдаан хийж, харгис хэрцгийгээр бие биенээ хөнөөж буйг шүүмжилсэн юм.
Хүний амьдралын хамгийн нандин бүхэн дайн самууны уршигт юу ч биш болон үрэгддэг гэдгийг ах дүү хоёрын амьдралаар төлөөлүүлэн уншигч танаа хүргэжээ.

#315